Free Web Site - Free Web Space and Site Hosting - Web Hosting - Internet Store and Ecommerce Solution Provider - High Speed Internet
Search the Web

Ntuj Ceebtsheej
1 Yauhas 2:16-17

Ib puas tsaavyaam kws yog nplajteb le, tsi has tej kws tuabneeg lub sab phem ntshaw, tej kws qhovmuag pum hab xaav yuav, txhua yaam huv nplajteb kws tuabneeg qhuas has tas, tseemceeb, tej ntawd puavleej yog nplajteb le tsi yog Leejtxiv le. Lub nplajteb hab ib puas tsaavyaam huv nplajteb kws tuabneeg tnshaw taabtom yuav dlua moog, tamsis cov tuabneeg ua lawv le Vaajtswv lub sab nyam puab yuav nyob moog ib txhis.

QHEBLUG:
Muaj ib tug txivneeg moog txug Ntuj Ceebtsheej, nwg ntsib Petus ntawm lub Roojloog Hlaws av. Ua ntej nwg yuav nkaag, Petus nug nws ob peb lus hab nwg yuav tsum teb kuas nto 100 ua ntej nwg yuav tau moog rua huv lub nroog.

Petus: Koj moog pehawm Vaajtswv huv lub tuamtsev lecaag?

Nwg: Kuv moog txhua nub Sunday and txhua nub Wednesday.

Petus: Koj tau ib xwb.

Nwg: Tau ib xwb? kuv xaav has tas yuav tau ntau dlua kos.

Petus: Koj puas muab Vaajtswv le tug rua Vaajtswv?

Nwg: Wj, kuv muaj ib feem nkaum kws kuv khwv tau lug txhua lub limtam.

Petus: Sim saib, Petus tas tau 3. Koj puas tshuav dlaabtsi hab?

Nwg: Zov letag! Kuv xaav tsi tawm tas xyov tshuav dlaabtsi. Kuv paub has tas, kuv yeej ua zoo le kuv ua tau paab Vaajtswv tsevneeg.

Petus: Saib, kuv muab 5 rua koj rua koj kev ua zoo, koj puas shuav dlaabtsi hab?

Lub sijhawm nuav, tug txivneeg xaav tsi thoob le, thaum kawg nwg quaj, kuv tsi muaj dlaabtsi ntxiv le lawm. Kuv xaav tas ntshai yuav tsi muaj leejtwg moog tau huv Vaajtswv lub tebchaw tsuas yog lug ntawm Vaajtswv kev hlub xwb txhaj moog tau!. Koj tau 100! ca le nkaag Lug!.

Nug #1 Koj puas ntseeg tau tas koj puas tau moog ntuj Ceebtsheej yog has tas koj tuag?

Koj sij ua tuabzoo muaj cov lug sojntsuam nuav xaav saib koj yog tug zoo lecaa?
  • 55% teb tas, wj tau moog (Yes)
  • 35% teb tas, Kuv xaav tas yuav tau moog tabsis kuv tsi paub tseeb.
  • 4% teb tas, Kuv tsi moog rua sau Ntuj Ceebtsheej, kuv yeem moog rua huv tub tuag teb.
  • 6% teb tas, tsi muaj Ntuj Ceebtsheej. Es koj nes koj yuav teb lecaag?

    • Nug #2 Yog lecaag koj txhaj has tas koj yuav tau moog Ntuj Ceebtsheej?

  • 10% teb tas, rua qhov kuv Ntseeg Vaajtswv.

    • 90% huv cov kws has tas puab ntseeg Vaajtswv. kuas qhov tseeb saib puab ntseeg tug Vaajtswv twg!
  • 2% teb tas, Kuv yeej tsi tau ua txhum rua leejtwg.
  • 8% teb tas, Kuv paub tas kuv tau moog rua qhov kuv moog pehawm Vaajtswv.
  • 5% teb tas, Kuv coj tau 10 nqai Kevcai.
  • 15% teb tas, rua qhov kuv ua zoo le kuv ua tau.
  • 60% teb tas, rua qhov kuv paub tas kuv yog ib tug tuabneeg zoo.

    • Tshwjsim 21 & 22

  • HUV VAAJTSWV LUB NROOG CEEBTSHEEJ YUAV TSI MUAJ COV NUAV NYOB HUV.
  • Tsi muaj dlej havntxwv lawm - 21:1 - Dlej havntxwv qha rua peb pum tas tsi muaj kev thaajyeeb, muaj cua dlaaj cua dlub hab kev cais tawm.
  • Tsi muaj kev tuag - 21:4 0 Kev tuag lug vim yog kev txhum. Nwg yog tuabneeg tug yeebcuab thaum kawg. saib I Kaul. 15;26, qha tas yuav tsi muaj kev quajntsuag lawm.
  • Tsi muaj kev quajntsuag 21:4 Txhua tug tuabneeg yeej ntsib kev quajntsuag, txawm yog Yexus los thaum nwg nyob lub nplajteb nuav nwg kuj ntsug nwg cov phoojywg quaj.
  • Tsi muaj kev quajqw 21:4 Nuav yog has txug txhua yaam kev tu sab
  • Tsi muaj kev mobnkeeg 21:4 Nuav yog has txug lub cev kws txawj laug hab ntsib teebmeej.
  • Tsi muaj lub tuamtsev - 21:22 - Lub tuamtsev yog qhovchaw tuabneeg txhawbnqaa hab ntsib Vaajtswv. Nroog Ceebtsheej yog lub tuamtsev ntawd.
  • Tsi muaj lub nub, lub hlis hab kev tsausntsuj 21:23 hab 22:5 - Yaxayas 60:19.

    • Tsi muaj rausntuj ib zag ntxiv le lawm.

    Ntuj tawg yog kev rausntuj moog txhis.

  • Tsi muaj tej yaam kws Vaajtswv foom tsi zoo nyob rua huv 22:3 - txhua yaam kws raug foom tsi zoo kws nyob huv Chivkeeb tshooj 3 yuav tsi muaj ntxiv lawm.

    • HUV VAAJTSWV LUB NROOG CEEBTSHEEJ YUAV MUAJ:

  • Lub nroog Cebtsheej ci ntsaa ab - tej kev luas xuas kub puas 21:9-22.
  • Muaj tug dlej tshab le hlawv av dlwg huv nplavnroog ua cov dlej cawm sav 21:6
  • Ob saab Ntug dlej muaj tsob txivntoo kws ib xyoo txi kawm ob phaum 22:2.
  • Cov nplooj nto yog cov kuab muastsua khu txhua haiv tuabneeg
  • Vaajtswv lub fwjchim ua dluab tshaavntuj ci rua lub nrogg Ceebtsheej ntawd.

    XAUSLUG: "Tsi muaj leejtwg yuav muaj cai moog tau huv Vaajtswv lub tebchaw, tsuas yog Vaajtswv kev hlub kws yog lug ntawd Yexus moog xwb txhaj mog tau, Yexus txhaj has tas, yog mej leeg yuav kuv hab ntseeg kuv,hab yexus has ntxiv tas."

    Yexus has, Tug tsi tau yug ntawm dlej hab ntawm Vaajtswv tug Ntsujplig tug ntawd yuav moog tsi tau rua huv Vaajtswv lub tebchaw. Yauhas 3:3-5