|
|||||||
|
|
|
|||||
|
|
|||||||
|
|||||||
|
|
|
|||||
|
|
|||||||
Lugqheb: Thaus peb tseem nyob tim South Mill, muaj ibco tuabneeg taug kev muag cov ntawv kws has ttxug "Saibpemthuam the Watchtower. Nwg has tas, puab yog cov ntseeg, yog le kuv txhaj tau caw nwg lug huv tsev. Wb sib thaam ibplag, nwg tau qha txug phoo ntawv kawg kws muaj lub ntsab lug "puas tsimnyog peb ntseeg tas, muaj 3 leeg koomxeeb ua ib tug? "Should You Believe in the Trinity?" Nwg nug kuv tas, koj puas ntseeg, hab kuv teb tas, kuv xaav le ntawd. Nwg npav rua kuv tas, huv Vaajswv txujlug yeej tsi tau muaj ib nqai sau le ntawd, tej kws ntseeg le ntawd yog ntseeg cuav. Nwg has tas, tug ntseeg tas muaj peb leeg koomxeeb ua ib lee, tug ntawd yog tug ntseeg yuam kev lawm. Thaus Nws has le nuav ua rua kuv tsi kagsab nkag le, rua qhov kuv yeej tsi tau ntseeg muaj 3 tug Vaajtswv
Ob peb xyoo tomqaab ntawd, muaj dlua ob tug tuaj khov kuv qhovrooj, nwg naag ntsigtsho zoo hab caij tsheb kaujvaab taug kev qha txug Vaajtswv zaaj. Kuv tau caw nwg lug. Kuv txhaj nug ob tug tub hluas nua tas, mej puas ntseeg tas, Vaajswv muaj peb leeg koomxeeb ua ib tug Vaajtswv, Obtug teb tas, wj hwj, wb ntseeg le ntawd. Tamsis lub sijhawm peb sibtov pem ob tug tej lug ua rua kuv tomtauj has tas, muaj 3 tug Vaajtswv tsi sib thooj.
Huv Vajtswv txujlug tas, Vaajtswv yog tug ibtxwm muaj nyob lug God is self-existent.
Chivkeeb 1:1-3. Thov Vaajtswv.
Baptist kev ntseeg 1963- revised 2002 .
Peb pehawm tuabtug Vaajtswv, kws Pebkoomxeeb ua ib:Vaajtswv kws yog Leejtxiv, Vaajtswv kws yog Leejtub, hab Vaajtswv kws yog Ntsujplig dlawbhuv.
Peb leeg koomxeeb ua ib Vaajtgswv lug ntawm lub Latin tas, Tri-unitos" kws muaj ntsab lug tas, Peb huv kev koomxeeb ib: The word "Trinity" comes from the Latin word "Tri-unitos", which means "three in the unity of one." Vaajtswv txujlug tsi tau sau rua peb nyeem has le ntawm, kuas yog peb txuj kev ntseeg le hab totaub le ntawd.
Lug pev: VAAJTSWV TSI ZOO LE YOG = 1+1+1 = 3, VAAJTSWV YOG ZOO 1x1x1 = 1.
Moob Hawj:
Vaajtswv qha nwg tug kheej rua peb paub lug ntawm peb leeg, Vaajtswv kws yog Vaaj leejtxiv, Vaajtswv kws yog Vaaj leejtub, hab Vaajtswv kws yog Vaaj Ntsujplig. Peb leeg nuav yog tuabtug Vaajtswv kws qha peb tegnum rua tuabneeg nplajteb.
VAAJTSWV kws yog Leejtxiv tug tsim Ceebtsheej ntuj hab lub nplajteb lawv le nwg pum zoo. Nwg yog tug muaj fwjchim, muaj kev hlub, hab muaj kev txawjntse tsi paub xaus. Vaajtswv yog tug nyob qhovchaw sab tshaaj, Vaajtswv tug kws nyob ua ntej peb, Vaajtswv tug kws nrug peb nyob, nwg qha nwg tug kheej rua Tsaav tuabneeg Ixayees paub.
Chivkeeb 1:1 " qha peb, "thaus chivkeeb Vaajtswv tsim cheebtsheej hab nplajteb. "In the beginning God created the heavens and the earth."
Nkauj qhuas Vaajtswv 90:1-2 "Vaajtswv, koj yeej ibtxim yog peb lub qhovchaw nkaum,. Txij thaus tojroob hauvpeg tsi tau txawm muaj lossis lub nplajteb hab lub ntuj tseem tsi tau tsim koj yeej ibtxwm nyog koj lug le ntawd, koj yog Vaajtswv moog ib txhab ib txhis."
Yelimis 10:10 "Vaajtswv yog tug Vaajtswv tseeb, yog tug Vaajtswv kws muajsa nyob, hab yog tug kws ua vaajntxwv nyob moog ibtxhis."
Tshwmsim 1:8 "Vaajtswv yog tug kws muaj fwjchim luj kawgnkaus, tug kws nyob nwgnuav, tug kws ib txwm nyob puag thaus u lug lawm, hab tug kws yuav rov lug yaav tomntej."
YEXUS: yog Vaaj leejtxiv tug tub kws nws hlub es tso cawm peb dlim huv txuj kev txhum qhev, nwg qha nwg tug kheej rua peb pum txug qhov Vaajswv npaaj kuas peb muaj kev dlim txim hab rov moog cuag tau Leejtxiv.
Loo 5:6 "Thaus peb tseem qaugzug, Yexus Khetos tuag txhiv peb tej kev txhum lawv le lub sijhawm Vaajtswv teemca. 8 Thaus peb tseem yog tuabneeg txhum, Vaajtswv khaiv Yexus Khetos lug tuag theej peb lub txhoj, Vaajtswv ua le ntawd kuas peb paub has tas, Vaajtswv hlub peb kawg nkaus le. 9 Yexus Khetos twb tuag theej peb lub txhoj lawm, Vaajtswv txhaj le coj peb lus nrug Vaajtswv sib raug zoo tsi yog le ntawd xwb, Vaajtswv yuav tsi rau txim rua peb, rua qhov Yexus Khetos tub dlaws peb lub txim lawm."
TUG NTSUJPLIG DLAWBHUV: yog tug ntaus cim rua tug ntseeg kuas dlim lub txim nub Vaajtswv txavtxim. Nwg yog tug txhawb hab pub fwjchim rua cov ntseeg kuas paub pehawm Vaajtswv. Yog tug lug nyob huv peb lub sab, txhawb peb lub zug, yog tug qha hab coj tug ntseeg kuas txawj ua tau lub neej lawv le Vaajtswv lub sab nyam.
Yauhaas 14:16 "Kuv yuav thov kuv txiv, hab kuv txiv yuav khaiv dlua ib tug lug paab mej, nwg yuav nrug mej nyob moog ib txhis. Tug ntawd yog Vaajswv tug Ntgsujplig kws yuav qha qhovtseeb rua mej."
Cov tubkhai 1:8 "Tiamsis thaus Vaajtswv tug Ntsujplig lug nrug mej nyob lawm nws yuav pub hwjchim rua mej."
Vaajtswv tug kws peb ntseeg hab peb txhawbnqaa nwg yog muaj tuab tug Vaajtswv xwb tag, kuas peb totaub le nuav tas, peb koom txhawbnqaa Leejtxiv, Leejtub, hab Ntsujplig thoojtxhij ua ke.
Qhov peb lub qhovmuag tsi pum kuas peb totaub txug 3 leeg txhwm ua ib ke le nuav:
XAUSLUG: Txawm yog koj yuav ntseeg has tas, muaj tuabtug Vaajtswv xwb los, tug Vaajtswv kws koj ntseeg ntawd nwg puas casa nyob huv koj lub sab. Hab puas qha rua koj tas, nwg yog tug Vaajtswv tseeb hab yog tug muaj sa nyob moog ib txhis. Nwg puas yog koj tug Tswv hab koj tug Vaajtswv.