Free Web Site - Free Web Space and Site Hosting - Web Hosting - Internet Store and Ecommerce Solution Provider - High Speed Internet
Search the Web

THAUM KOJ LEEG TXAIS YUAV YEXUS KOJ YUAV TAU

Wednesday 3/19/03, Muaj ib cov tuabneeg moog txais puab dlaim US Citizenhip, qhov article tawm Saturday has le nuav. Nubnuav kuv tsaa teg rua lub ntuj lub teb hab rua ntawm tug Judge has tas, Kuv yuav ua ncaajnceeg rua lub teb chaw nuav, yuav noog numtswv lug hab cov lawv le numtswv txujcai. Kuv yuav tawmsaam tug yeejcuab kws tawm tsaam kuv lub tebchaw nuav. Tug Judge has le nuav tas, nubnuav koj yog pejxeem Amelikas lawm. Thaus peb lug ua haiv tuabneeg Amelikas lawm muaj ob peb yaam zoo le nuav rua peb: 1 Peb tau nyob ywjpheej, 2 peb muaj cai xaiv tsaa hab muaj cai ua num tswv dlejnum lawv le peb muaj cuabkaav ua tau.

Lub ib hli ntuj, peb muaj ib cov ua kevcai rausdlej: Xibfwb nug tas, nubnuav koj puas ntseeg hab leeg yuav Yexus Khetos ua koj tug Tswv hab koj puas paub tseeb tas Vaajtswv tub zaam koj lub txim lawm? Koj puas txaus sab hlov ua kevcai rausdlej qha has tas, koj yog tuag ntseeg Yexus Khettos tag los yog laam ua xwb? Yog le kuv zoo sab muab koj ua kevcai rausdlej rua suavdlawg pum lawm tas, koj yog tug ntseeg Yexus lawm. Najnub nwgnuav pheej muaj cov ntseeg xaav le nuav tas, Thaus twg Yesus lossis Vaaj Ntsujlug lug nyob huv tug ntseeg lubsab? Thaus twg Vaajtswv zaam txim rua tug ntseeg lawm? Thaus twg kuv yog Vaajtswv tug mivnyuas tag? Thaus twg kuv tau txais txujsa ntev dlhawv ibtxhis, hab thaus twg kuv yuav tau Vaajtswv lub tebchaw lug ua kuv tug?

1. YEXUS hab Vaaj Ntsujplig LUG NYOB HUV KOJ LUBNEEJ - Christ and Holy Spirit come into your life!
• Rev 3:20 - Mej sim noog saib kuv sawv saab qhovrooj nraud hu. Yog leejtwg nov kuv lub sauab hab qheb qhovrooj, kuv yuav lug huv tug ntawd tsev. Kuv yuav nrug nwg noj mov hab nwg yuav nrug huv noj mov.
• Acts 2:38b "Vaajtswv yuav zaam mej lub txim hab pub Vaajtswv tug Ntsujplig rua mej."
2. KOJ LUB TXIM RAUG MUAB ZAAM LAWM - Your sins were forgiven!
• 1 Yauhaas 2:12 - Cov mivnyuas es, kuv sau tej nua tuaj rua mej rua qhov Vaajtswv tub zaam txim rua mej txhua tug kws ntseeg Yexus Khetos lawm.
• Cov Tubkhai 10:43 - Cov xibfwb cev Vaajtswv lug txhua tug puavleej ua timkhawv has tas, Vaajtswv yuav zaam txim rua txhua tug ntseeg Yexus Khetos tug kws muaj fwjchim.
• Cov Tubkhai 13:38-39 - Cov kwvtij es, mej yuav tsum paub tseeb has tas, tub yog vim Yexus theej peb lub txhoj peb txhaj muaj cuabkaav qha rua mej has tas, Vaajtswv zaam tuabneeg lub txim, hab mej yuav tsum paub has tas, txhua tug kws ntseeg nwg, nwg yuav dlaws puab tej kev txhum kws khi puab huv tuabsi moog. Tej kev txhum ntawd Mauxes txujkevcai yeej dlaws tsi tau.
• Efexaus 1:7 - Vaajtswv yog tug muaj nploojsab hlub peb heev kawg nkaus le, yog le Vaajtswv txhaj tso Yexus Khetos tuag theej peb lub txhoj Vaajtswv txhaj zaam peb tej kev txhum.
3. KOJ DLHAU LUG UA VAAJTSWV TUG MIVNYUAS - You became a child of God!
• 1 Yauhaas 5:1 - Tus kws ntseeg has tas, Yexus yog tug Mexiyas, tug ntawd yog Vaajtswv mivnyuas.
• Yauhaas 1:12-13 - Txawm yog le ntawd los, cov tuabneeg kws leeg yuav nwg, hab ca sab rua nwg, nwg pub cov tuabneeg ntatwd txhua leej muaj cai lug ua Vaajtswv mivnyuas. Cov tuabneeg kws xeeb lug ua Vaajtswv mivnyuas, puab yeej tsi xeeb lawv le tuabneeg ib txwm xeeb mivnyuas, Vaajtswv yog puab txiv.
4. KOJ TAU TXAIS TXUJSA NTEV DLHAWV MOOG IBTXHIS - You received eternal life!
• Yauhaas 5:24 - "Kuv qha tseeb rua mej tas, tug kws nov kuv tej lug hab ntseeg tug kws xaav kuv lug, tug ntawd yuav muaj txujsa ntev dlhawv hab yuav tsi tsaug txavtxim, rua qhov nwg tub tawm huv txujkev tuag lug tau txojsa.
• 1 Yauhaas 2:25 "Tej ntawd muaj lawv le tej lug kws Yexus Khetos cog rua peb has tas, Nwg yuav pub txujsa ntev moog ib txhis rua peb."
• 1 Yauhaas 5:12 "Tug kws nrug Vaajtswv tug tub koom ib txugsa, tug ntawd muajsa."
• Lukas 18:30 "Tamnuav tug ntawd yuav tau ntau dlua tej kws nwg tso tseg lawm, hab lwm tam nwg yuav tau txujsa ntev moog ibtxhis."
5. KOJ TAU NYOB VAAJTSWV LUB TEBCHAW NROOG CEEBTSHEEJ - Kingdon of God will be your?
• Yuhaas 14:1-3 "Yexus has rua cov thwjtim has tas, mej tsi txhob txhawj, mej yuav tsum casab rua Vaajtswv hab ca sab rua kuv. Kuv txiv lub tsev muaj chaw ntau rua suavdlawg nyob, kuv taabtom yuav moog tu chaw tseg ca rua mej nyob. Yog tsi muaj le kuv has, kuv yeej yuav qha rua mej. Thaus kuv moog tu tau chaw tseg rua mej lawm, kuv yuav rov qaab lug tog mej moog nrug kuv nyob. Kuv nyob qhovtwg mej yeej yuav nrug kuv nyob qhov ntawd."
• Mathais 25:34 "Mej cov kws tau kuv txiv txuj koobmoov, mej ca le lug nyob lub tebchaw kws nwg tub npaaj ca rua mej puag thaus tsi tau tsim ntuj tsim teb lug lawm."

XAUSLUG: Yog koj tub leeg hab txais yuav Yexus koj koj tug Tswv hab tug Cawmseem lawm nuav koj puav muaj Yexus hab Vaaj Ntsujplig nyob huv koj lubneej hab Vaajtswv puas tau zaam koj lub txim? Yog yug tseem ua xyem xyaav txhais tau has tas, yug tseem muaj teebmeej yug txuj kev ntseeg.