Free Web Site - Free Web Space and Site Hosting - Web Hosting - Internet Store and Ecommerce Solution Provider - High Speed Internet
Search the Web

Peb lu lug kws tug quaspuj hab tug quasyawg
ib leeg xaav nov ntawm ibleeg.

Qheblug: Ib tug tub nwg xaav yuav tug ntxhais heev, muaj ib nub tug tub ntawd tuaj txug huv tug txhais tsev, tug ntxhais txiv nug tug tub ntawm tas, koj ua haujlawm koj tau nyaj lecaag? Tug tub teb tas, kuv muab xaam lug mas tau 50,000. Tug ntxhais txiv luag nyaav hab teb tas zoo kawg, yog muab kuv tug ntxhais cov ib xyoo 40,000 ntxiv rua koj cov mas mej lub neej yuav zoo heev, tug ntxhais txiv zoo sab kawg le. Tug tub rov has rua tug ntxhais txiv has tas, kuv tub xaam koj tug ntxhais 40,000 ntxiv kuv cov hab es txhaj muaj $50,000 huas!

Heb. 13:4 Tsimnyog mej txhua tug yuav tsum saib taug txujkev sib yuav ua txij ua nkawm. Tug quasyawg hab tug quaspuj ib leeg yuav tsum muab sab npuab ib leeg. Vaajtswv yuav rau txim rua cov tuabneeg ua pleeg ua yi, hab cov tuabneeg dleev luas quaspuj luas quasyawg.

• Saib 3 lu lug kws tug quaspuj xaav nov ntawm tug quasyawg.



1. Tsi muaj ib tug txivneeg kws yuav muaj moo npau le kuv.


Pajlug 31:10-11 Tug quaspuj zoo nwg tsimtxaj dlua tej povhum kws muaj nqes, tamsis laj nrhav tau ib tug quaspuj zoo le ntawd. v11 Tug qhuasyawg kws tau tug quaspuj zoo le ntawd, nwg tso sab plhuav rua nwg tug quaspuj hab tsi ncu txob ncu txhawj has tas, yob tsaam nwg pluag. v29, Tug quasyawg qhuas has tas, muaj ntau leej quaspuj yog tug namtsev zoo , timais koj yog tug zoo dlua suavdlawg.


2. Koj nam, ntshai koj saab hab khwv heev, ca kuv paab koj os.
   
   Exataws 5:3 "Vaajtntxwv (Xawis) nug Exataws has tas, Koj muaj lug dlaabtsi? Koj ca le qha rua kuv saib koj xaav yuav dlaabtsi? Txawm yog koj xaav yuav tej tebchaws kws kuv kaav ib nraab los, kuv yeej yuav muab rua koj. 7:2 Vaajntxwv rov qab nug Exataws has tas, Exataws, koj xav yuav yaam dlaabtsi? Koj ca le qha rua kuv, kuv yuav muab yaam kws koj xaav yuav rua koj.
   
   Mathais 7:12 Yog mej xaav kuas lwm tug ua le caag rua mej, mej yuav tsum ua ib yaam nkaus le ntawd rua puab. Tej nuav lawv le mauxes txoj kevcai hab lawv le cov xibfwb cev Vaajtswv lug tej lug qha.



3. Kuv nplooj sab es, thov zaam txim os ntshai kuv ua tsi yog lawm.
   
   Xyoo 1998, The Minnesota Family Institute sojntsuam cov tuabneeg sibrauj muaj lug teev muaj pum lenuav 66% of those divorced looked back with REGRET that they didn't give their marriage a better effort.
   
   Mathais 6:14 Yog mej zaam txim rua tug kws ua txhum rua mej, mej leejtxiv tug kws nyob saumntuj ceebtsheej yauv zaam txim rua mej. 15 Tamsis yog mej tsi zaam txim rua lwm tug, mej leejtxiv tug kws nyob saumntuj ceebtsheej nwg yuav tsi zaam txim rua mej hab.
   
   Cov quasyawg thaus mej tug quaspuj thov mej zaam txiv rau nwg lawm mej yuav tsum zaam rua nwg. Yog mej tsi zaam, mej muaj teebmeem txug kev ntseeg. Vaajtswv txujlug kuas cov ntseeg yuav tsum muaj kev zaam txiv.



• Saib peb lu lug kws tug quasyawg xaav nov lug ntawm nwg tug quaspuj.



1. Koj yog ib tug txivneeg yawg - Moob muaj lu lug tas, koj tsi yog txivneeg yawg loscaag?
   
   Xaulaumoo zaj nkauj 2:3 "Kuv tug txiv nraugvauv kws ntxim plawv, yog kuv muab nwg pev rua luag lwm tug txivneej, nwg zoo yaam nkaus le tsob txivduaj kws txawm tauaj huv nplawfv zoov, Kuv nyam znyob nkaum ntxoov ntxoo huv tsob qb txivdluaj ntawd, tej txiv kws kuv noj qabzib kawg.
   
   Chivkeeb 3:16 Vaajtswv has rua tug quaspuj ntawd has tas, Thaus koj xeebtub kuv yuav tsub kev txomnyem rua koj, hab thaus koj yug mivnyuas yuav mob koj ;aab heev, txawm yog le ntawd los, koj tseem xav tau txiv nrug koj ua npoj, tiamsis koj tus txiv yuav ua tus tswjhwm koj.
   
   Efexaus 5:22 Mej cov kws yog quapuj mej yuav tsum noog mej tej quasyawg lug ibyaam le mej noog tug tswv lug.
   
   Efexaus 5:25 Mej cov kws yog quasyawg nyag yuav tsum hlub nyag tug quapum ib yaam nkaus le Yexus Khetos hlub cov tnseeg, hab nwg muab nwg lub cev lug txhwv cov ntseeg.



2. Koj txiv kuv yeej zoo sab hlo rua koj txhua lub sijhawm.
   
   I Cor. 7:3-4, Tug txiv hab tug quaspuj ib leeg tsi txhob cais ib leeg chaw pw, ob leeg yauv tsum nyob ua txij ua ntawm. 4 tug quaspuj, nwg tsi muaj cai kaav nwg lub cev, tug txiv yog tug muaj cai kaav. Ib yaam nkaus le ntawd tug txiv, nwg tsi muaj cai kaav nwg lubcev, tug quaspum yog tug mauj cai kaav tug txiv lub cev.



3. Tug hlub, ntshai yog kuv ua sab rua koj lawm vaub. Thov txim os.
   
   Paajlug 27:15 Tug quaspuj kws tsawm txiv, nwg zoo yaam nkaus li tej teevdej nrug tujtauv thaus lug naag tshuav.
   
   Paajlug 21:9 Nyob momkaum zoo dlua le nrug tug quaspuj tsawm taug nyob nruabtse
   
   Mathais 6:14 Yog mej zaam txim rua tug kws ua txhum rua mej, mej leejtxiv tug kws nyob saumntuj ceebtsheej yauv zaam txim rua mej. 15 Tamsis yog mej tsi zaam txim rua lwm tug, mej leejtxiv tug kws nyob saumntuj ceebtsheej nwg yuav tsi zaam txim rua mej hab.

Txhua nkawm namtxiv yog muaj lug ntawm ob tug tuabneeg txhum. Txhua nkawm namtxiv zoo yog lug ntawm ob tug sib txawj zaam txim. "Every marriage is made up of two sinners. Every good marriage is made up of two good forgivers."

• Tsi muaj ib tug txivneeg twg kws yuav muaj moo npau le kuv.
• Koj nam, ntshai koj saab hab khwv heev vuab, ca kuv paab koj os.
• Kuv nplooj sab hlub, thov txim os ntshai kuv ua tsi yog lawm os.

• Koj yog ib tug txivneeg yawg - Moob has tas, koj tsi yog txivneeg yawg loscaag?
• Koj txiv kuv yeej zoo sab hlo rua koj, lub sijhawm twg los tau.
• Tug hlub, ntshai yog kuv ua sab rua koj lawm , thov txim os.