Nug-question & Teb-answer
Tsi muaj leejtwg tsim Vaajtswv, Vaajtswv yog tug ibtxwm muaj nyob lug
(God is Self-exitent)
FWM TXUG Xf. Txwj NTxawg: Leejtwg tsim Vaajtswv? Kuv paub tas nwg
tsim txhua yaam txhua tsaa tsi has ceebtsheej HAB nplajteb, tamsis
leejtwg ho tsim Vaajtswv?
P.T.
UA TSAUG P.T.: Tsi muaj leejtwg tsim Vaajtswv, tsuas qhov nwg yeej
ibtxwm muaj sa nyob lug le ntawd. Lawv le Vaajtswv txujlug has, "Txij
puag thaus koj tsi tau tsim tojroob hauvpeg, hab tsi tau tsim muaj lub
nplajteb nua, koj yeej ib txwm nyob lug lawm, koj yog Vaajtswv moog ib
txhab ib txhis" NQVT. 90:2.
Tej yaam le nuav ua koj tsi totaub yoojyim, kuas koj paub tas, txhua
yam kws nyob puagcig peb nwg yeej muaj lub hauvpaug chiv. Tamsis ntawm
Vaajtswv, nwg tsi zoo le ntawd. Vaajtswv tuableeg tsi muaj lub hauvpaug
chiv hab tsi muaj lub ntsis xaus, rua qhov nwg yeej ib txwm muaj nyob
lug le ntawd, hab nwg yeej yuav nyob nwg moog zoo le ntawd. Yog tseem
muaj tug tsim nwg tes nwg tsi tau yog Vaajtswv. Nuav yog lawv le
Vaajtswv txujlug has tas, nwg tuableeg txhaj yog Vaajtswv kws yuav nyob
moog ib txhis.... Tshwmsim 1:8 "Tug Tswv kws yog tug Vaajtswv muaj
fwjchim luj kawgnkaus, tug kws nyob nwgnua, tug kws ib twm nyob puag
thaus u lug lawm, hab tug kws yuav lug yaav tomntej nua hais tas, Kuv
yog Alafas hab yog Aumekhas". Yelemis 10:10 "Nwg yog tug Vaajtswv
tseeb, nwg yog tug Vaajtswv kws muajsa zeeg nyob, hab nwg yog tug
Vaajntxawv kaav moog ib txhis."
