KEEBKWM
Keebkwm pawgntseeg yog "Cov Ntseeg Ntu Neej" kws koom-txoos ua pawg lawv le Vaajtswv Txujlug hab Vaajtswv tug Ntsujplig coj. Cov ntseeg ntu neej yog has txug thaus chiv muaj pawgntseeg lug txug najnub nwgnuav hab tseg ua puavpheej rua pegsuab.
Hmoob yog ib haiv tuabneeg kws nyam nyob ywjpheej, nyob ua paab ua pawg, nyob raws kwjtij neejtsaa, nyam ua qoobloo tu tsajtxhu hab nyob ua npoj ua luag sibhlub sibpaab ib txheej dlhau rua ib tam puag thaus ub lug hab coj dlaabqhua. Nubnuav, peb ua Vaajtswv tsaug rua nwg txuj kev hlub hab npaaj lub keebthawj qheb kev rua peb Moob lug ntseeg Yexus. Tsi taag le ntawd, nwg tseem qheb txuj hauv kev rua peb Moob tuaj nyob lub tebchaw vaammeej kws muaj kev pehawm Vaajtswv ywjpheej hab muaj noj haus tsau npo. Ca peb tig moog saib yaav dlhau lug huv pawgntseeg yuav ua tau tug dluab rov rua peb pum rua kaujtsuam tom hauv ntej tas, pawgntseeg coob zujzug ntxiv, muaj kev ntseeg ruaj khovkho, hab rau sab nro ua Vaajtswv dlejnum. Dlua le, pawgntseeg muaj keeebkwm zoo, ua tau tug qauv zoo, hab txhawb tau lwm pawgnseeg kuas muaj kev ntseeg ruaj khovkho rua ntawm Vaajtswvv tsi has yaam taaglug, najnub nwgnuav, hab yaav tomntej.
Pawgntseeg yog lub cev cajsa huv saab ntsujplig kws muaj cov ntseeg txoom uake ua ib pawg. Pawgntseeg yog Vaajtswv tsev tuabneeg kws tug ntseeg zwm uake lawv le Yexus kaws lug tseg. Yexus yog tug pib tsaa kuas muaj pawgntseeg, Yexus Khetos yog lub taubhau, pawgntseeg yog lubcev.
First Hmong Baptist Church (FHmBC) muab keebthawj kws yog thawj pawgntseeg huv cov Moob Baptist ntseeg Yexus Khetos tsim muaj ua ntus zug lug ca tseg ua puavpheej:
- 1976, peb ibco Moob Ntseeg yexus tau thojnam tawgrog tuaj nyob Kansas City, Missouri kws yog Vaamxeeb Hawj, Paaj Yeeb Thoj, hab Nyaj Hawj Thoj tsev tuabneeg.
- 1977 Chiv muaj pawgntseeg "First Hmong Baptist Mission", KCMO.
- February 28, 1981 tsaa muaj First Hmong Baptist Church, Inc., KCKS. FHmBC muaj kev ywjpheej, tsi nyob huvqaab kev tswjfwm huv lwm pawgnseeg, tabsis yuav koom teg nrug cov ntseeg Yexus Kheto ua ke.
- May, 1990 - Ua chaw txais tog (host) cov ntseeg Hmong Baptist tuaj saablaaj hab tsaa Hmong Baptist Fellowship kws nwgnuav muaj lub npe Hmong Baptist National Association, Inc.
- 1995 Koom ua tau ib lub tuamtsev pehawm Vaajtswv rua cov ntseeg nyob zog Ntoo-taub, Thaibteb.
- October 26, 1996, Pawgntseeg yuav tau hab fij lub tuamtsev.
- 1999, Them tej nujnqes txais nyaj yuav lub tuamtsev taag.
- 1999, Xaa kawm namtxiv Vaamxeeb Hawj ua thawj tug Moob Baptist tshaaj txujmoo zoo moog Thaibteb.
- 1999, Koom ua tau ib lub tuamtsev pehawm Vaajtswv rua cov ntseeg nyob Lostsua teb.
- 2000, Ua chaw txais tog (host) HmBF tuaj ua kev zoo sab 10 xyoo tsaa muaj lub koom txoos Baptist.
- 2001, Xf. Txwj Ntxawg Hawj hab cov ntseeg moog qha Txujmoo zoo nyob thaibteb.
- 2002, Koom ua tau lub tuamtsev tsev pehawm Vaajtswv rua cov ntseeg nyob Naajtoos, Xeev Naj, Thaibteeb.
